Lost and Found

தொலைந்து போனதாக ஏன் உணர்கிறேன்?

.

வார்த்தைகளையே விவாகம் செய்து

எழுத்துகளைக் கோர்த்து வீடு கட்டி

அசைகளில் இசைபாடி

ஓசை நயத்தில் நடனமாடி

வார்த்தைகளுக்குள்ளா

ஒளிந்திருந்தது என் ஆன்மா?

.

வரிகளுடன் கைகோர்த்து

அதனுடன் பயணித்து, சுவாசித்து

இறுதியில் அதையே உண்டு

எனதடையாளமாக்கிக் கொண்டு

பயணித்தவள்...

.

சிதறிய சொற்களை மீண்டும்

எடுக்கிறேன்...; தொடுக்கிறேன்...;

சொற்கள் மாறிப்போகிறது.

அதன் நிறம், தரம், எடை, குணம்,

வேறாகிப் போகிறது.

.

தமிழ் எனும் நதியில்

கைசேரும் நுரைகளும்

எனது அடையாளாத்தைப் போலவே

மாறிக் கொண்டே இருக்கிறது

.

ShakthiPrabha

March 12 2024