வாங்குவாரின்றி

விற்றுப் போகாத பொருட்களுடன் அதே வீதியில் தான் அவளும் அமர்ந்திருந்தாள் நுகர்வோரெல்லாம் முட்டி மோதி அவரவர் ஆசைக்கு ஆடை அணிவித்து களி நடனமாடியபடி மாடிகளில் வழிந்து தரையெங்கும் தட்டிமுட்டி வெவ்வேறு கோணங்களில் பளபளக்கும் கண்ணாடி மாளிகைகளுக்கே முந்திக்கொண்டிருந்தனர். பண்புள்ள பழஞ்சரக்கோ எழிலாடையின்றி கிழிந்திருந்தது அவள் விற்றுப்போகா குவியலின் பக்கம் ஒரு தலையும் திரும்பவில்லை.

-ஷக்திப்ரபா