நான்

 

எங்கேனும் விட்டுவிட நினைத்து;

எப்படியோ கொன்றுவிடத் துடித்து;

காததூரம் கடத்திச்சென்று

கைவிடவே விழைந்து;

காசியிலே தொலைந்த கர்மமென்றே

கழித்துக்கட்டி கைவீச முயன்று;

ஒழிந்து போ என்றே ஓலமிட்டு;

அதட்டி அடக்கி; மிரட்டி மடக்கி

அடாவடியாக அதிகாரம் செய்து;

அத்தனையும் தோற்றதால்,

அடிபணிந்து தொழுதேத்தி;

கெஞ்சிக் கூத்தாடி; கொஞ்சிக் குழைந்து

தஞ்சமே புகுந்திடினும்;

அகங்காரமெனும் அலங்கோலமாகி

மிஞ்சியே மிரட்டும்,

"நான்"

- ShakthiPrabha