தூரல்கள்

 

அகோரப் பசியின் தீநாக்குகள்

தீனி வேண்டி நாலாபுறமும்

கோரத் தாண்டவமாடியது.

மேகமென பொழியா மழையை மன்னித்து.

தேகம் தீண்டிய சிறுதூரலை தனதாக்கியது

சாரல்களின் சுகமான தீண்டலால்

சற்றே சினம் தணிந்து, அணைந்தது;

சிறுவிரலால் அணைத்தது.

....

இறக்கும் தறுவாயில்

ஊட்டப்படும் இரண்டு சொட்டு நீர்.

இனி பசி எடுக்காது.

எடுத்தாலும் தகிக்காது.

புழுங்காது

சுட்டெரித்து சாடாது.

குளிரும், குளிர்ந்து கூத்தாடும்...

உயிர் தங்கும்...

இன்னும் சிலகாலம் வரை.