வல்லமை படப்போட்டிகாக

வல்லமை படப்போட்டிகாக அனுப்பிய இரு கவிதை.

அடையாளங்கள்

__________________

மனமொத்த மணவாழ்க்கையின்

மொத்த அடையாளத்தை

மென்பாதங்கள் நோக

தனியொருத்தியாய் ஏனடி பாரம் சுமக்கிறாய்?

மெட்டியிரண்டை புருஷனுக்குப் பகிர்ந்து..

கொலுசு குலுங்க,

பழந்தமிழ் பண் பாடு.

சற்றே இலகுவாகி

இளைப்பாறிக்கொள்..

உன் தனித்துவத்தையும் 

சேர்த்தணியப் பழகிக்கொள்.

***********

படத்துக்காக இன்னொன்றும் எழுதினேன்.  முதலில் எழுதியது இன்னும் பிடித்தமானதாய் இருந்தது.

அளவோடு மிஞ்சினால் அம்ருதம்

__________________________________

பெண்மையின் அடையாளம்

நளினத்தின் நகை வடிவம்

நடனத்தின் நாடி

மங்கலச் சின்னம்

ஆடவரை ஆட்டுவிக்கும் நட்டுவாங்க

ஆயிரம் காரணம் இருப்பினும்

இவர் சொன்னார் 

அவர் தந்தாரென

விரலுக்கு ஒன்றாய்

மாட்டிக்கொண்டு விழிக்காதே

இதுவே பெண்ணின்

எல்லையென அடங்காதே

சிக்கென அழகாய்

ஒற்றை விரலில்

பாங்காய் அணிந்து

டக்கென தாவிக் குதிக்கும்

சுதந்திரமும் ஒப்பிலா அழகு
அளவான அழகும் அளவிலா அழகே

*******