உப்புமாவிற்கு உண்டோ இணை?!

 

உயிரினும் மேலான உப்புமாவே!, (Please read it in Sivaji Ganesan's Socrates scene tone)

...

அது ஒரு காலம். சோஷியல் மீடியாவிற்கு முந்தைய அராஜக கற்காலம். தோசைக்கும் இட்லிக்குமே அரியணை என்று இருந்ததோடில்லாமல், scornful looks and distasteful comments on divine உப்புமா..

..

ஒடிசல் ரவையிலாடும்

ஊசி உப்புமாவே

ஓடிப்போ! ஓரம்போ!

ஒசையின்று தீர்ந்து போ!

தூரம்போ தூரம்போ - சிறு

தூக்கிலாடி தொலைந்து போ!

..

வலைதளங்களிலும் முகநூலிலும் இட்லி தோசைகளை கோபுரத்திலேத்தி , ஆராதனை செய்தது அதிகார உலகம்.

..

உப்புமா சட்னி சட்னியாக கண்ணீர் விட்டது.

எத்தனை விதவிதமாக நானும் என்னை அலங்கரித்துக் கொள்கிறேன்! என்னை சீந்துவாரில்லையே என்று அங்கலாய்த்தபடி உப்புமாதேவியை நோக்கித் தவமியற்றியது.

..

இட்லிக்கொரு காலமென்றால் அதை உதிர்த்த உப்புமாவுக்கு வந்ததொரு காலம். உப்புமாவின் உறவுகளான உப்பிட்டு, கிச்சடிகள் அவசரக் கூட்டம் கூட்டின. சத்தமின்றி ஒரு யுத்தம்.

..

அங்கொன்றும் இங்கொன்றுமாக சிதறியிருந்த உப்புமா உறவுகள் வலைப்பின்னலில் சிக்கி ஒன்று திரண்டனர். கடலெனத் திரண்டது உப்புமாவின் உயிரணி. உயரிய அணி.

..

இத்தனை காலம் நமக்கு அடிமை பூண்ட உப்புமாவுக்கோ உயர்வு?!! ஆச்சரியம் தாளாமல்

..

பொங்கியது பொங்கல்

தலை குனிந்தது, தட்டு-இட்லி

துவண்டது தோசை

சிந்தியது சாம்பார்

...

இட்லியும் தோசையும் அதிகார வர்கம். பிறரை அண்ட விடாமல் தனித்து நிற்கும் ஜாதிச் செருக்கு! கோஷங்கள் ஆவடி முதல் அண்டார்டிகா வரை முழங்கின. உப்புமாவின் பெயரிலேயே "அம்மா" இருக்கிறாரே. அதனால், அன்பு இருக்கிறது. கருத்துமழை

பொழிந்தது.

..

சன்ன ரவையால் சிங்காரித்திருந்த உப்புமாவுக்கு காய்கறிகளின் முழு ஆதரவு. ஆரஞ்சு காரட் ஆதரவளித்தது. பச்சைப் பட்டாணி இச்சையுடன் முத்தமிட்டது. குடைமிளகாய் அதன் தர்ணாவுக்கு குடை பிடித்தது. உப்புமாவின் நிலைகண்டு நெய் உருகியோடியது.

..

பத்து பத்து வகையில் பதவிசாக பரிமாரப்படும் சத்தான உப்புமாவுக்குண்டோ இணை!

ஜெய கோஷங்கள் உயர்த்தப்பட்டன. உப்புமாவின் ஒப்பனை முன் தலை குனிந்தது தனியாவர்த்தனம் பாடும் தோசை. உப்புமாவின் அசாதாரணமான அழகில் வெட்கியது சாதா இட்லி.

..

அரிசி முதல் சிறுதானியம் வரை ஆயிரம் அவதாரமெடுத்த ஆண்டவனென அனைவரும் உப்புமாவை தொழுதனர். இதுவரை மதியாதிருந்து அலட்சியம் செய்த பிழைக்கு அழுதனர்.

--

வென்றது உப்புமா

சென்றது எட்டுத்திக்கும்

தின்றது அழியாப் புகழ்;

பல்வகைக் காய்கள் புடைசூழ

நின்றது நிலைத்து .

..

இப்படிக்கு,

ShakthiPrabha

உப்புமா ரசிகர் மன்றத் தலைவி

திண்ணியம் முருகர்-Ancient thiNNiyam Murugar temple கல்வி, ஞானம்-திருமணதோஷம் விலக-Removes Obstacles

Ancient ThiNNiyam (திண்ணியம்) SuBramaNya swami temple, Temple has rich background promising multitude of auspicious blessings for those who believe in miracles of Murugar / ShaNmuka swami.

* Murugar as Guru blesses knowledge, wisdom and career growth. கல்வி, ஞானம், தொழில் முன்னேற்றம், உத்தியொக உயர்வு * Alleviates Navagraha dosha/ parihara for navagraha dosha. நவகிரக பரிகாரம் * Pariharam for mangal /sevaai dosha is done which removes marriage obstacles and bless the devotees with Happy Married life. திருமண தடை விலக்கும், செவ்வாய் தோஷ நிவரத்தி *Santhana gopalaswami temple, thinniyam

Follow: https://www.youtube.com/@AmirthathuLi

 

தமிழ் வளர்த்த அந்தணர் - காரி நாயன்மார் - An inspiration

History of "Kari nayanmar" who inspire us, by setting high yet achievable lifestyle methodology.

 

கவிச் சின்னங்கள்

 

கவிதொகுத்த 
கற்றைப் பூச்செண்டின்
ஒற்றைச் சரத்தை
மெல்ல நிமிர்த்தி
மொட்டு விரியவே
மெல்லிசைக் கோர்த்து - புது
மெட்டமைத்து மேடையேற்றி
பட்டுவண்ண  நூல்நூற்று 
ஒளிப்பெருக்கி; 
பட்டித் தொட்டியெங்கும்
ஒலிப்பெருக்கியதில், 
அமுதென  எழுந்தது நாதம்
மெழுகென நெகிழ்ந்த நேயர்கள்
ஊனெனும் ஓலையில் 
உயிரெனும் -மைத்தொட்டு
உணர்வுகளால்
எழுதிச் சென்றனர்.
ஒரேயொரு கவிதைக்கு
ஒவ்வொரு முறையும்
ஆங்கே புனையப்படும்
ஓராயிரம் கவிதைகள்! 

           (ShakthiPrabha) 

சிவன் அடியவராகவே வாழ்ந்த அரசர் - கழற்றிற்று அறிவார்

Kazhatritru arivaar கழற்றிற்று அறிவார் Nayanmar, who was blessed to be an affectionate companion of Sundarar. His life is filled with Surreal episodes. He composed one of his final tribute to Lord Shiva, after reaching Kailash.
 

 

அண்டமே அகண்டமே

ஆனந்த ஜோதியே

ஆதியுமான பொருளே

ஆணுமல்லாத

பெண்ணுமல்லாத

ஆதாரமான நிலையே

..

திந்திமி திமிதிமியென

பிரபஞ்சம் விழித்தெழ

நாதமென எழும் நாதனே!

இடதுகாலைத் தூக்கி

இயக்கத்தை காட்டியே

நடமாடிடும் எம் ராஜனே!

..

பற்றற்ற வித்தின்

பரம்பொருள் ரூபமே

பரிபூரணானந்தனே!

பொன்னாபரணங்கள், 

மேற்பூச்சு வேண்டாத, 

பொன்னார் மேனியனே!

..

தனியனே! தலைவனே!

தாயுமானவனே..

உமைபாகனான  வரமே!

சிந்தையில் புகுந்த 

எந்தையே எழிலே

சித் அம்பரத்தின் அருளே!

..

மங்கலங்கள்  நிறைந்து  

உயிரெலாம் உயரவே 

அம்பலனே   அபயமென்று,

சங்கடங்கள் தீரவே

சங்கரனைப் பற்றினோம் ..

சிவமே! பவமே! எம் தவமே!

..

தவவிரதங்கள் ஏற்றே

அம்பிகை நாடிடும் 

அதிரூப சுந்தரனே! 

இன்னல்களைக் களைந்து

ஐயங்கள் போக்கிடும்

அத்தனே!  அன்பின் அமுதே!

..

காணும் காட்சியெலாம்

சின்மய ரூபமே....

ஹரஹர சிவசிவ  நமச்சிவாயமே

சிவசிவ ஹரஹர   நமச்சிவாயமே

-

எழும் ஓசையெல்லாம்

சின்மய ரூபமே 

ஹரஹர சிவசிவ  நமச்சிவாயமே

சிவசிவ ஹரஹர   நமச்சிவாயமே

ShakthiPrabha

அன்புள்ள எனது காதலர்களுக்கு

கண்டதை எழுதி

கணப்போழுது கழியாது

காதலர்தினத்துக்கெல்லாம்

கவிதை எழுத முடியாது

..

உள்ளமதை விரித்து

உனையே எங்கும் காணும்

உன்னத நிலையதனை

தேடிப் போகிறேன்

காதலர்தினத்துக்கெல்லாம்

கவிதை எழுத முடியாது

..

அபின்னமாகவே

அனைத்தயும் அளக்கும்

அற்புத கலைக் கண்ணை

நாடி போகிறேன்

காதலர் தினத்துக்கெல்லாம்

கவிதை எழுத முடியாது

..

ஆங்கோர் உலகில்

அனந்தமென நிலைத்து

ஆனந்த வெள்ளத்தை

சுவைக்கப் போகிறேன்

காதலர் தினத்துக்கெல்லாம்

கவிதை எழுத முடியாது

..

கண்டவர் மேல் கொள்ளும்

அன்பும் பாசமும்

காதலும் நேசமும்,

காலணா காசுக்கும்

காட்சிப் பெறாதே!

கண்ணனவன் நெஞ்சமதே

தஞ்சமெனப் போகிறேன்

காதலர் தினத்துக்கெல்லாம்

கவிதை எழுத முடியாது

..

கால வெள்ளத்தின் கரையில்

தொலை தூரத்தில்;

தூய மாடத்தில்;

தோரணம் நாட்டி

காத்திருப்பேன்..

உனை எதிர்பார்த்திருப்பேன்...

காதலர் தினத்துக்கெல்லாம்

கவிதை எழுத முடியாது

..

வந்து சேர்ந்துவிடு

வராமல் மறுப்பவரை

வருந்தி அழைத்துவிடு

கமலக் கண்ணனுடன்

காதலாகிக் கலந்திடுவோம்

சிறுசேவைகள் சாதித்து

பணி செய்திடுவோம்

மலர்களால் மாலைகட்டி

அணி செய்திடுவோம்

..

வாடித் துவளும்

பிறவியைச் சாடுவோம்

மாதவன் மட்டுமே

மாதவம் என்றே

பாடிப் பணிவோம்

ஆடிக் கொண்டாடுவோம்

.....

காதலர் தினத்துக்கெல்லாம்...

இதோ எனது கவிதை

உனக்கும்- எனக்கும்

அவனுக்கும் அவளுக்கும்

அன்னைக்கும் தந்தைக்கும்

பிள்ளைக் குலத்துக்கும்

அறிந்துமறியாத

அத்துனை உயிருக்கும்

புனைந்த கவிதை

ShakthiPrabha

புரிந்தாலும் புதிர்

 

பலகாலம் சுமந்திருந்த 

பழுப்பேறிய திரவம்

புளிப்பும் துவர்ப்புமாக 

விளிம்புவரை நுரைத்திருந்தது.

பொங்கித் ததும்பிடினும்

நிலைதடுமாறி கரைபுரளாமல்,

நளினமாகவே ஏந்தியிருந்தேன்...

அடையாளக் கோப்பையது,

என்னையே தாங்குவது!

குளிர் திரவமதை

கண்டவர் கிண்ணங்களிலும்

சொட்டுச் சொட்டாய்

சிந்தியபடியே நகர்கிறேன்

அடடா!  எட்டாத அதிசயமடி

மாயத்திரவமதுவும்

மதுரமாகிப் பொனதடி!

ShakthiPrabha

பாபங்கள் போக்கும் ரதசப்தமி - நாளை செய்ய வேண்டிய எளிய வழிபாட்டு முறை (25-1-26)

👇👇👇 Video talks about the Importance of Rathasapthami, simple ways to

observe Rathasapthami and benefits of performing prayers to Sun god on auspicious day of Ratha sapthami. 👇👇👇

 

சென்னையை சேர்ந்த நாயன்மார் - திருவொற்றியூர் ஆலயத்தில் தீபம் ஏற்றிய கலியர்.

Story of kaliya nayanmar, whose endurance and perseverance to do his humble contribution towards the lord Shiva, won him a permanent bliss and mukti.

#நாயன்மார்கள், #நாயன்மார், #கலியர், #கலியனார், #தீபம், #விளக்கு, #திருவிளக்கு, #சிவன், #சென்னை, #திருவொற்றியூர், #பக்தி, #வறுமை, #செக்கிழுத்தல், #செக்கு, #எண்ணை, #வியாபாரம், #ஞானம், #நிலையாமை, #உறவு, #சிவனடியார், #பெரியபுராணம், #முக்தி,

#பேரின்பம்

#Nayanmar, #NayanmargaL, #Lord, #Siva, #periyapuranam, #trader, #kaliyar, #diya, #deepam, #Shiva, #chennai, #tiruvottiyur, #poverty, #oil, #oilpressing, #Wisdom, #Mukti, #bliss